Combo King:信心爆棚挑戰海灣者 阿特蘭大聯大盤過關穩

2017-03-31 10:45 来源:网络整理

今季美職都出現「神奇球隊」,就係首季參賽嘅阿特蘭大聯,呢支東岸新丁表現一鳴驚人,近兩仗分別大炒明尼蘇達聯6比1,以及贏芝加哥火燄4比0,愈踢愈有信心,今仗作客西岸勁旅西雅圖海灣者都未驚過,預料雙方會互相鬥攻,中位數2.5球入球大穩陣。

(TVB 302周六早上10時直播)

阿特蘭大聯雖然係新丁,但後台雄厚,班主白蘭克係美國富豪,身家達到31億美元(約240億港元)之鉅。佢哋有大把資金增兵,包括重金簽入拖連奴前鋒祖斯夫馬天尼斯,呢位23歲委內瑞拉國腳由意甲轉戰美職,表現超晒班,近兩場聯賽共轟入5球,成為球隊連續大勝嘅功臣。有佢助陣,勢必對西雅圖海灣者防線構成重大威脅。

西雅圖海灣者名將丹普西寶刀未老,3場聯賽亦入咗2球隊,包括上仗建功,幫球隊以3比1擊敗上季常規賽東岸盟主紐約紅牛。海灣者經驗佔上風,加上有地利,唔怕同阿特蘭大聯駁火,有利開大。

肯薩斯國民隊受讓筍
另1場美職FC多倫多主場對肯薩斯體育會,兩隊格食格,雙方近6次交手,肯薩斯體育會取得5勝1和,包括近3次作客FC多倫多都贏波而回,肯薩斯體育會今場仲有得受讓,体育比分,捧球客勝。至於葡超國民隊近5次主場不敗,今仗主場對甘馬雷斯居然受讓,讓球主勝當然值博啦。
 

相关球队:
热门球队: 信心  灣者  Combo  King  阿特  蘭大  爆棚  挑戰海  更多