法達斯維:洛辛堡搶盃大作戰

2017-03-29 09:23 来源:网络整理

中堅賓空降強攻白蘭恩
新一季挪威超級聯賽喺嚟緊周末開鑼,今晚先嚟挪威超級盃做「頭盤」,新闻,由上季聯賽「阿二」白蘭恩主場硬撼上季雙冠王洛辛堡。洛辛堡新季簽入「中堅賓」賓特拿,噱頭十足,而且兩軍每次交鋒經常大手交易,今仗大家都想攞頭彩唔會腳軟,一於捧入球大。

(周四凌晨1時開賽)

挪超盃係聯賽開咧前嘅序幕,一向由上季聯賽冠軍出戰上季盃賽盟主,不過傳統班霸洛辛堡擸晒聯賽及挪盃冠軍,因此今屆參賽資格改由上季聯賽亞軍白蘭恩頂上。

挪超白蘭恩從阿里辛特簽入前鋒彼德拿臣,攻力可望提升;不過洛辛堡仲堅,早前出手羅致「麻煩友」賓特拿,雖然呢位前英超阿仙奴箭頭近年效力過意甲祖雲達斯、德甲禾夫斯堡、諾定咸森林結果冇間踢得掂,但來到挪超呢類水平次一級嘅聯賽,賓特拿仍屬大超班,而且「中堅賓」每次加盟新球會初頭都有貨交,有助增強洛辛堡嘅火力。

雙方交手例演入球騷
由於洛辛堡與白蘭恩皆屬挪超勁旅,大家都視對方為爭標假想敵,喺呢場聯賽開咧前哨戰肯定想捧盃攞頭彩,仲可以順便一挫敵方銳氣,預計兩軍都會搏盡爭勝過捧盃癮。睇番白蘭恩同洛辛堡近12次正面交鋒,有11次總入球至少有3粒,當中有7次更達4球或以上,今仗隨時又合演入球騷,捧大盤(2.5/3球)係最佳選擇。
 

相关球队:
热门球队: 洛辛  法達  斯維  大作  堡搶  更多