法達斯維:英軍主場11連勝惡過鬼 幼獅搏表現立威

2017-03-26 08:48 来源:网络整理

今晚續有世盃外歐洲區賽事,當中F組榜首英格蘭主場迎戰弱旅立陶宛。「三獅兵團」經常喺大賽決賽周「冇貨交」,但喺壓力冇咁大嘅外圍賽表現特醒,主帥修夫基又刻意用新仔,趁住朗尼及哈利卡尼等慣常主力受傷,拉舒福特、連格及米克堅尼等「幼獅」一定搏晒命,英格蘭嘅1.95倍讓球主勝咪錯過。(有線61及201台周一凌晨零時直播)

英格蘭每逢大賽決賽周都有姿勢、冇實際,篮球比分,已經51年嚟未贏過重要錦標,球員每次比賽不其然孭住個大包袱,又點會打得好!相比之下,英軍喺壓力冇咁大嘅外圍賽零舍突出,特別係主場出擊,連世盃外及歐國外在內,「三獅兵團」近11仗主場出戰嘅大賽外圍賽全勝,非常靠得住,尤其對住弱旅一啲都冇手軟,之前迎戰聖馬力諾、摩爾多瓦及今仗對手立陶宛都大炒,明顯鍾意「嗒魚腩」。

現任英軍主帥修夫基之前係執教英格蘭U21,因此對班新仔非常了解,適逢今次隊長朗尼及射手哈利卡尼、史杜列治等因傷冇入選,同時兩大曼聯守將菲爾鍾斯及基斯史摩寧亦受傷退隊,另一中堅加利卡希爾又要坐波監,對手只係弱隊立陶宛,「修哥」大條道理搵新人孭飛。除咗紅魔小鬼拉舒福特及連格有機擔正外,修咸頓孖寶禾特普斯及列特文、般尼守將米克堅尼等「平民」均有機會落場,正所謂初生之犢不畏虎,呢班「生牯仔」趁住班大佬唔喺度,梗係要騷哥利畀「修哥」睇下。

立陶宛殘陣聽炒
本身實力唔掂嘅立陶宛,今仗有主力艾雲捷華尼斯及安祖斯基斯因傷倦勤,守將費治馬斯亦要坐波監,真係弱上加弱。而且英格蘭除咗上面班「生牯仔」外,仲有赫特、拉爾拉拿及迪利阿里等主將壓場,要大炒毫無難度,就算讓兩球都照捧1.95倍嘅讓球主勝!
 

相关球队:
热门球队: 連勝  英軍  主場  法達  斯維  惡過  幼獅  搏表  現立  更多